ಪ್ರಧಾನ ಮಂತ್ರಿ ಗ್ರಾಮ ಸಡಕ್ ಯೋಜನೆ | ವಿಜಯಪುರ ಜಿಲ್ಲೆಯಲ್ಲಿ 791 ಕಿಮೀ ರಸ್ತೆ ಪೂರ್ಣ

ಕೇಂದ್ರ ಸರ್ಕಾರದ ಪುರಸ್ಕೃತ ಯೋಜನೆ ಯಾದ ’ಪ್ರಧಾನ ಮಂತ್ರಿ ಗ್ರಾಮ ಸಡಕ್ ಯೋಜನೆ’ಯ ಕುರಿತು ವಿಜಯಪುರದ ಗ್ರಾಮೀಣಾಭಿವೃದ್ಧಿ ಪಂಚಾಯತ್ ರಾಜ್ ಹಾಗೂ ಎಂಜಿನಿಯರಿಂಗ್ ವಿಭಾಗದ ಕಾರ್ಯಪಾಲಕ ಅಭಿಯಂತರು ಎಂ.ಜಿ. ಜತ್, ಯೋಜನೆಯ ಕುರಿತು  ಮಾಹಿತಿಯನ್ನು  ಹಂಚಿಕೊಂಡಿದ್ದಾರೆ. ಪ್ರಧಾನ ಮಂತ್ರಿ ಗ್ರಾಮ ಸಡಕ್ ಯೋಜನೆಯು 2000-01 ರಲ್ಲಿ ಆರಂಭವಾಗಿದ್ದು  ವಿಜಯಪುರ ಜಿಲ್ಲೆಯಲ್ಲಿ ಒಟ್ಟು 827  ಕಿಲೋ ಮೀಟರ್ ರಸ್ತೆ ಉದ್ಧವಿದ್ದು ಇಲ್ಲಿಯವರೆಗೆ 791  ಕಿಲೋಮೀಟರ್ ಉದ್ದದ ರಸ್ತೆ ಪೂರ್ಣಗೊಂಡಿದೆ.  121 ಕಾಮಗಾರಿಗಳಲ್ಲಿ ಇಲ್ಲಿವರೆಗೆ 118ಕಾಮಗಾರಿಗಳನ್ನು ಪೂರ್ಣಗೊಳಿಸಲಾಗಿದೆ. ಇನ್ನು ಮೂರು ಕಾಮಗಾರಿಗಳು ಪೂರ್ಣಗೊಳ್ಳುವ ಹಂತದಲ್ಲಿವೆ.  ಇಲ್ಲಿಯವರೆಗೆ ಒಟ್ಟು 292  ಕೋಟಿ ರೂಪಾಯಿ ಹಣವನ್ನು ಖರ್ಚು ಮಾಡಲಾಗಿದೆ ಎಂದರು.