ಹೊಸರುಚಿ | ಎಳೆಯ ಹಲಸಿನ ಕಾಯಿ ರೋಲ್ – ಕ್ರಿಸ್ಪಿ ಟೀ ಟೈಮ್ ಸ್ನ್ಯಾಕ್

ಎಳೆಯ ಹಲಸಿನ ಕಾಯಿ ಪೋಷಕಾಂಶಗಳಿಂದ ಸಮೃದ್ಧವಾಗಿರುವುದರ ಜೊತೆಗೆ ವಿವಿಧ ರುಚಿಕರ ಸ್ನ್ಯಾಕ್‌ಗಳನ್ನು ತಯಾರಿಸಲು ಸಹ ಸೂಕ್ತವಾಗಿದೆ. ಮನೆಯಲ್ಲಿ ಸುಲಭವಾಗಿ ಮಾಡಬಹುದಾದ ಎಳೆಯ ಹಲಸಿನ ಕಾಯಿ ರೋಲ್ ಸಾಯಂಕಾಲದ ಟೀ ಟೈಮ್‌ಗೆ ಅಥವಾ ಮಕ್ಕಳಿಗೆ ವಿಶೇಷ ಸ್ನ್ಯಾಕ್ ಆಗಿ ಸಿದ್ಧಪಡಿಸಬಹುದು.

ಬೇಕಾಗುವ ಸಾಮಗ್ರಿಗಳು

• ಎಳೆಯ ಹಲಸಿನ ಕಾಯಿ – ಕಟ್ ಮಾಡಿದದ್ದು
• ಕಾರ್ನ್ – 1/4 ಕಪ್
• ಬಟಾಣಿ – 4 ಚಮಚ
• ಉಪ್ಪು – ರುಚಿಗೆ ತಕ್ಕಷ್ಟು
• ನೀರು – ಬೇಯಿಸಲು

ಒಗ್ಗರಣೆಗೆ:

• ಎಣ್ಣೆ – 2 ಚಮಚ
• ಸಾಸಿವೆ – 1/4 ಚಮಚ
• ಜೀರಿಗೆ – 1 ಚಮಚ
• ಓಂ ಕಾಳು – ಸ್ವಲ್ಪ
• ಕರಿಬೇವಿನ ಸೊಪ್ಪು – ಸ್ವಲ್ಪ

ಮಸಾಲೆ:

• ಈರುಳ್ಳಿ – ಚಿಕ್ಕದಾಗಿ ಕಟ್ ಮಾಡಿದದ್ದು
• ಗರಂ ಮಸಾಲ – 1 ಚಮಚ
• ಜೀರಿಗೆ ಪುಡಿ – 1 ಚಮಚ
• ಕೊತ್ತಂಬರಿ ಪುಡಿ – 1/2 ಚಮಚ
• ಸಮೋಸ ಪೌಡರ್ – 1/2 ಚಮಚ
• ಉಪ್ಪು – ಸ್ವಲ್ಪ

ಇನ್ನಷ್ಟು:

• ಸಮೋಸ ಹಾಳೆ – ಅಗತ್ಯದಷ್ಟು
• ಕರಿಯಲು ಎಣ್ಣೆ

ಮಾಡುವ ವಿಧಾನ : ಮೊದಲು ಎಳೆಯ ಹಲಸಿನ ಕಾಯಿ, ಕಾರ್ನ್, ಬಟಾಣಿ, ಉಪ್ಪು ಮತ್ತು ಸ್ವಲ್ಪ ನೀರು ಹಾಕಿ ಚೆನ್ನಾಗಿ ಬೇಯಿಸಿ. ಬಳಿಕ ಅದನ್ನು ಸ್ವಲ್ಪ ಮ್ಯಾಶ್ ಮಾಡಿ ಇಟ್ಟುಕೊಳ್ಳಿ. ಬಾಣಲೆಗೆ ಎಣ್ಣೆ ಹಾಕಿ ಕಾದ ಬಳಿಕ ಸಾಸಿವೆ, ಜೀರಿಗೆ, ಓಂ ಕಾಳು ಹಾಗೂ ಕರಿಬೇವಿನ ಸೊಪ್ಪು ಹಾಕಿ ಚಟಪಟಾಯಿಸಿ. ನಂತರ ಈರುಳ್ಳಿ ಹಾಕಿ ಸ್ವಲ್ಪ ಬ್ರೌನ್ ಆಗುವವರೆಗೆ ಫ್ರೈ ಮಾಡಿ.  ಈಗ ಗರಂ ಮಸಾಲ, ಜೀರಿಗೆ ಪುಡಿ, ಕೊತ್ತಂಬರಿ ಪುಡಿ, ಸಮೋಸ ಪೌಡರ್ ಮತ್ತು ಉಪ್ಪು ಹಾಕಿ ಮಿಕ್ಸ್ ಮಾಡಿ. ಬಳಿಕ ಮ್ಯಾಶ್ ಮಾಡಿದ ಹಲಸಿನ ಕಾಯಿ ಮಿಶ್ರಣವನ್ನು ಸೇರಿಸಿ 2 ನಿಮಿಷ ಫ್ರೈ ಮಾಡಿ. ಬೇಯಿಸಿದ ನಂತರ ಸಮೋಸ ಹಾಳೆಯ ಮೇಲೆ ಹಾಕಿ ರೋಲ್ ಮಾಡಿ. ಕಾದ ಎಣ್ಣೆಯಲ್ಲಿ ಕೆಂಪಗೆ ಕರಿದು ತೆಗೆದರೆ ಬಿಸಿ ಬಿಸಿ ಎಳೆಯ ಹಲಸಿನ ಕಾಯಿ ರೋಲ್ ಸಿದ್ಧ!

Tender jackfruit rolls are a crispy and tasty evening snack made by stuffing mashed jackfruit with spices and frying it in samosa sheets. This simple homemade recipe is nutritious and perfect for tea-time serving.