ಚಿಲಿಪಿಲಿ | ಮಕ್ಮಲ್ ನೆತ್ತಿಯ ಮರಗುಬ್ಬಿ

ಮಕ್ಮಲ್ ನೆತ್ತಿಯ ಮರಗುಬ್ಬಿ(Velvet-fronted nuthatch)

ಮಾವಿನ ಮರ ಫಲ ಹೋದ ಸಮಯ. ಒಂದಷ್ಟು ಜಾತಿಯ ಹಕ್ಕಿಗಳು  ಒಟ್ಟಾಗಿ ಕಲರವ ಮಾಡುತ್ತಿದ್ದುವು. ಅಲ್ಲಿ ಹತ್ತು ಹನ್ನೆರಡು ಜಾತಿಯ ಪಕ್ಷಿಗಳ ಸಮೂಹವಿದ್ದವು. ಅವುಗಳಲ್ಲಿ ಮಕ್ಮಲ್ ನೆತ್ತಿಯ ಮರಗುಬ್ಬಿಯೂ  ಒಂದು.

ನೇರಳೆ ಮಿಶ್ರಿತ ‌‌ ನೀಲಿ ಹಾಗೂ  ಬಿಳಿಯ  ಮೈ ಬಣ್ಣ ಕತ್ತಿನ ಕೆಳಗೆ ಹಳದಿ ಬಣ್ಣದ ಈ ಪುಟ್ಟ ಹಕ್ಕಿ(10 cm) ಯ ಕೊಕ್ಕು ಕೆಂಪು ಬಣ್ಣ.  ಹಣೆಯ ಮೇಲೆ ಕಪ್ಪಾಗಿದ್ದು ಎದೆಯ ಬಳಿ ಬಣ್ಣ. ಗಾತ್ರ ಗುಬ್ಬಿಯಷ್ಟೇ ಇರುವುದರಿಂದ ಮರ ಗುಬ್ಬಿ ಎಂಬ ಹೆಸರು ಬಂದಿರಬಹುದು.  ಜೋಡಿಯಾಗಿ ಕಂಡು ಬರುತ್ತವೆ.  ಮರದಲ್ಲಿರುವ ಹುಳು ಹುಪ್ಪಟೆಗಳು  ಇವುಗಳ  ಆಹಾರ.  ಅತ್ತಿಂದ  ಇತ್ತ,   ಗೆಲ್ಲುಗಳ ಮೇಲ್ಭಾಗ ಹಾಗೂ ಕೆಳ ಭಾಗದಲ್ಲಿ  ಹೋಗುತ್ತಾ ಬಹಳ ಚಟುವಟಿಕೆಯಿಂದಿರುವ ಹಕ್ಕಿ ಮೊದಲ ನೋಟದಲ್ಲೇ ಗಮನ ಸೆಳೆಯುತ್ತದೆ.