ಹೊಸರುಚಿ | ಹಲಸಿನ ಹಣ್ಣಿನ ಗುಳಿ ಅಪ್ಪ

May 31, 2025

8:00 AM

ದಿವ್ಯ ಮಹೇಶ್

ಹಲಸಿನ ಹಣ್ಣಿನ ಗುಳಿ ಅಪ್ಪಕ್ಕೆ ಬೇಕಾಗುವ ಸಾಮಗ್ರಿಗಳು : ಹಲಸಿನ ಹಣ್ಣು 2.1/2 ಲೋಟ. (ಕಟ್ ಮಾಡಿ ಇಡಿ.), ದೋಸೆ ಅಕ್ಕಿ 1 ಲೋಟ. (ಚೆನ್ನಾಗಿ ತೊಳೆದು 3 ಗಂಟೆ ನೆನೆ ಹಾಕಿ.), ಕಾಯಿ ತುರಿ 1 ಲೋಟ, ಬೆಲ್ಲ ರುಚಿಗೆ ತಕ್ಕಷ್ಟು. (ಪುಡಿ ಮಾಡಿ ಹಾಕಿ.), ಉಪ್ಪು ಸ್ವಲ್ಪ, ಮೊಸರು ಸಣ್ಣ 1 ಸೌಟು, ತುಪ್ಪ.

ಮಾಡುವ ವಿಧಾನ: ಗ್ರೈಂಡರ್ ಗೆ ಕಾಯಿತುರಿ, ಮೊಸರು ಹಾಕಿ ನುಣ್ಣಗೆ ರುಬ್ಬಿ, ನಂತರ ಬೆಲ್ಲ, ಕಟ್ ಮಾಡಿದ ಹಲಸಿನ ಹಣ್ಣು,
ಉಪ್ಪು, ಅಕ್ಕಿ ಹಾಕಿ ಸ್ವಲ್ಪ ತರಿ ತರಿಯಾಗಿ ರುಬ್ಬಿ ತೆಗೆಯಿರಿ. ನಂತರ ಪಡ್ಡು ಮಣೆ ಬಿಸಿ ಆದಾಗ ಅದಕ್ಕೆ ಸ್ವಲ್ಪ ತುಪ್ಪ ಹಾಕಿ . ನಂತರ ಸ್ವಲ್ಪ ಸ್ವಲ್ಪ ಹಿಟ್ಟು ಹಾಕಿ ಮುಚ್ಚಳ ಮುಚ್ಚಿ ಬೇಯಿಸಿ ‌ . ನಂತರ ಕವುಚಿ ಹಾಕಿ ತೆಗೆಯಿರಿ. ಈವಾಗ ರುಚಿಯಾದ ಗುಳಿ ಅಪ್ಪ ಸವಿಯಲು ರೆಡಿ. | ವಿಶೇಷ ಸೂಚನೆ: ಇದಕ್ಕೆ ನಾನು ನೀರು ಹಾಕಿಲ್ಲ. ಹಿಟ್ಟು ಸೌಟಿನಿಂದ ಬೀಳುವ ರೀತಿ ಹದವಾಗಿ ಇರಲಿ. ಸ್ವಲ್ಪ ಬಿಸಿ ಇದ್ದಾಗಲೇ ಇದನ್ನು ಸವಿಯಿರಿ.

ಇದು ನಮ್ಮ YouTube ಚಾನೆಲ್ - Subscribe ಮಾಡಿ ಬೆಂಬಲಿಸಿ

Rural Mirror Special | Subscribe Our Channel

ಲೇಖಕರ ಪರಿಚಯ

ದಿವ್ಯ ಮಹೇಶ್

ದಿವ್ಯಾ ಮಹೇಶ್ ಅವರು ಗೃಹಿಣಿ. ಅಡುಗೆಯಲ್ಲಿ ಹೊಸರುಚಿ ಅವರ ಆಸಕ್ತಿಯ ಕ್ಷೇತ್ರ. ಸೋಶಿಯಲ್‌ ಮೀಡಿಯಾಗಳಲ್ಲಿ ಹೊಸರುಚಿ ಅಡುಗೆಯ ಮೂಲಕ ಗಮನ ಸೆಳೆದವರು. ಈಗಾಗಲೇ 700 ಕ್ಕೂ ಅಧಿಕ ರಿಸಿಪಿಗಳ ಬಗ್ಗೆ ಸೋಶಿಯಲ್‌ ಮೀಡಿಯಾದಲ್ಲಿ ಮಾಹಿತಿ ನೀಡುವ ಮೂಲಕ ವಿಶೇಷವಾಗಿ ಗಮನ ಸೆಳೆದಿದ್ದಾರೆ. ಸಂಗೀತ ಆಲಿಸುವುದು, ಭರತನಾಟ್ಯ, ಓದುವುದು ಇತ್ಯಾದಿ ಅವರ ಆಸಕ್ತಿಯ ವಿಷಯ.