ಇರಾನ್-ಇಸ್ರೇಲ್ ಯುದ್ಧದ ಪರಿಣಾಮ – ಮಾವಿನ ರಫ್ತು ಕುಸಿತ, ರೈತರಿಗೆ ಹೊಡೆತ | ಅಲ್ಫೋನ್ಸೊ ಬೆಲೆ ಅರ್ಧಕ್ಕೆ ಇಳಿಕೆ

ಇರಾನ್-ಇಸ್ರೇಲ್ ಸಂಘರ್ಷದ ಪರಿಣಾಮ ಇದೀಗ ಕೃಷಿ ಕ್ಷೇತ್ರಕ್ಕೂ ತಟ್ಟಿದ್ದು, ವಿಶೇಷವಾಗಿ ಮಾವಿನ ರಫ್ತು ಮೇಲೆ ಭಾರೀ ಹೊಡೆತ ಬಿದ್ದಿದೆ.  ತಮಿಳುನಾಡಿನ ಕೊಯಮತ್ತೂರು ಕೇಂದ್ರವಾಗಿ ನಡೆಯುತ್ತಿದ್ದ ಮಾವಿನ ರಫ್ತು ಬಹುತೇಕ ಸ್ಥಗಿತಗೊಂಡಿದ್ದು, ರೈತರು ಮತ್ತು ವ್ಯಾಪಾರಿಗಳು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ರಫ್ತು ಕಡಿಮೆಯಾದ ಹಿನ್ನೆಲೆಯಲ್ಲಿ ಸ್ಥಳೀಯ ಮಾರುಕಟ್ಟೆಯಲ್ಲಿ ಪೂರೈಕೆ ಹೆಚ್ಚಾಗಿ ಬೆಲೆಯಲ್ಲಿ ತೀವ್ರ ಕುಸಿತ ಕಂಡುಬಂದಿದೆ.

ಅಲ್ಫೋನ್ಸೊ ಮಾವಿನ ಬೆಲೆ ಕೆಜಿಗೆ ₹300 ರಿಂದ ₹150ಕ್ಕೆ ಇಳಿದಿದ್ದು, ರೈತರಿಗೆ ದೊಡ್ಡ ನಷ್ಟ ಉಂಟಾಗಿದೆ. ಕಳೆದ ವರ್ಷ 300 ರೂಪಾಯಿ ಇದ್ದರೆ ಈ ಬಾರಿ 150 ರೂಪಾಯಿಗೆ ಇಳಿಕೆಯಾಗಿದೆ. ಇದೇ ರೀತಿ ಸಿಂಧೂರಾ ಇತರ ಮಾವಿನ ಹಣ್ಣುಗಳ ಬೆಲೆಯನ್ನೂ ಇಳಿಕೆಯಾಗಿದೆ.

ರಫ್ತು ಸಂಪೂರ್ಣ ಕುಸಿತ : ವ್ಯಾಪಾರಿಗಳ ಪ್ರಕಾರ, ಮೊದಲು ದಿನಕ್ಕೆ 60 ಟನ್‌ಗೂ ಹೆಚ್ಚು ರಫ್ತು ಆಗಿದ್ದು ಈಗ 5 ಟನ್‌ಗೂ ಕಡಿಮೆ ರಫ್ತಾಗುತ್ತಿದೆ. ಗಲ್ಫ್ ದೇಶಗಳಿಗೆ ವಿಮಾನ ಸಂಪರ್ಕದಲ್ಲಿ ಅಡಚಣೆಯಾಗಿದ್ದು ದುಬೈ, ಅಬುಧಾಬಿ, ಶಾರ್ಜಾ ಮಾರ್ಗದಲ್ಲಿ ವ್ಯತ್ಯಯವಾಗಿದೆ. ಮಾವಿನಹಣ್ಣು ಬೇಗ ಹಾಳಾಗುವ ಹಣ್ಣು ಆಗಿರುವುದರಿಂದ, ಸ್ವಲ್ಪ ವಿಳಂಬವೂ ದೊಡ್ಡ ನಷ್ಟಕ್ಕೆ ಕಾರಣವಾಗುತ್ತಿದೆ.

ಗಲ್ಫ್ ಮಾರುಕಟ್ಟೆ ಇಲ್ಲದೆ ಸಂಕಷ್ಟ :  ಸಾಮಾನ್ಯವಾಗಿ ಹಬ್ಬದ ಸಮಯದಲ್ಲಿ ಗಲ್ಫ್ ದೇಶಗಳಲ್ಲಿ ಮಾವಿಗೆ ಭಾರೀ ಬೇಡಿಕೆ ಇರುತ್ತದೆ. ಆದರೆ ಈ ಬಾರಿ ಯುದ್ಧದ ಪರಿಣಾಮದಿಂದ ರಫ್ತು ಸಾಧ್ಯವಾಗದ ಪರಿಸ್ಥಿತಿ ನಿರ್ಮಾಣವಾಗಿದೆ.  ಹೀಗಾಗಿ ಸ್ಥಳೀಯ ಮಾರುಕಟ್ಟೆಯಲ್ಲಿ ಅತಿಯಾದ ಪೂರೈಕೆ ಉಂಟಾಗಿ ಬೆಲೆ ಕುಸಿದಿದೆ.

ದೇಶೀಯ ಮಾರುಕಟ್ಟೆಯೂ ಪ್ರಭಾವಿತ:  ರಫ್ತು ಆಗದ ಮಾವಿನಹಣ್ಣುಗಳು ದೇಶೀಯ ಮಾರುಕಟ್ಟೆಗೆ ಹರಿದುಬಂದ ಪರಿಣಾಮವಾಗಿ ಪೂರೈಕೆ ಹೆಚ್ಚಳವಾಗಿ ಬೇಡಿಕೆ ಕುಸಿತವಾಗಿದೆ. ಹೀಗಾಗಿ ಬೆಲೆ ತೀವ್ರ ಇಳಿಕೆಯಾಗಿದೆ. ಮಾರ್ಚ್‌ನಿಂದ ಜುಲೈವರೆಗೆ ಇರುವ ಮಾವಿನ ಸೀಸನ್ ಈಗಾಗಲೇ ತಡವಾಗಿ ಆರಂಭವಾದುದು ರೈತರ ಸಂಕಷ್ಟವನ್ನು ಇನ್ನಷ್ಟು ಹೆಚ್ಚಿಸಿದೆ.

ಬೇಡಿಕೆ ಸ್ವಲ್ಪ ಏರಿಕೆ – ಆದರೆ ಸಾಕಾಗಿಲ್ಲ : ವಿಷು ಹಬ್ಬದ ಸಂದರ್ಭದಲ್ಲಿ ಸುಮಾರು 150 ಟನ್ ಮಾವು ಮಾರಾಟವಾದರೂ ರಫ್ತು ಕುಸಿತದಿಂದ ಉಂಟಾದ ನಷ್ಟವನ್ನು ಭರಿಸಲು ಸಾಕಾಗುತ್ತಿಲ್ಲ ಎಂದು ವ್ಯಾಪಾರಿಗಳು ಹೇಳಿದ್ದಾರೆ. ಒಟ್ಟಾರೆಯಾಗಿ ರೈತರಿಗೆ ಸಂಕಷ್ಟವಾಗಿದ್ದು, ಯುದ್ಧದ ಪರಿಣಾಮದಿಂದ ರೈತರು ನಷ್ಟದಲ್ಲಿ ಮಾರಾಟ ಮಾಡುತ್ತಿದ್ದು, ವ್ಯಾಪಾರಿಗಳಿಗೂ ನಷ್ಟವಾಗುತ್ತಿದ್ದು, ರಫ್ತು ವ್ಯವಸ್ಥೆ ಕುಸಿತವಾಗಿದೆ. ಮಾವಿನ ವ್ಯಾಪಾರದಲ್ಲಿ ದೊಡ್ಡ ಸಂಕಷ್ಟ ಉಂಟಾಗಿದೆ. ಪ್ರತಿದಿನ ಕೃಷಿ-ಗ್ರಾಮೀಣ-ಪರಿಸರ ಹಾಗೂ ಇತರ ಮಾಹಿತಿಗಾಗಿ  ನಮ್ಮ “ದ ರೂರಲ್‌ ಮಿರರ್.ಕಾಂ”WhatsApp Channel  ಗೆ ಇಲ್ಲಿ ಕ್ಲಿಕ್‌ ಮಾಡಿ

The Iran-Israel conflict has severely impacted mango exports from Coimbatore, leading to a sharp drop in prices. Alphonso mango prices have fallen from ₹300 to ₹150 per kg. Due to export disruptions, excess supply in local markets has caused financial losses for farmers and traders.